ཡུ་རོ་སྒྲོལ་མ།

ཡུ་རོབ་ཕྱོགས་ནས་ཕེབས་པའི་ཨ་ཅག་ཡུ་རོ་སྒྲོལ་མ་ཕེབས་ཤག
ཨ་ཅག་ཡུ་རོ་སྒྲོལ་མ་ལགས་ལ་ཡུ་རོའི་དྲི་མ་ཁ་གིས།
དྲི་མ་དེའི་རྗེས་ལ་མི་ཁ་ཤས་རྒྱུག་གིས།
ཁ་ཤས་སྨྱོ་འགྲབས་བྱེད་ཀྱིས།
ཁ་ཤས་བུ་ལོན་སྐུབ་རུས་ཤག
ཨ་ཙི་ཙི་ཡུ་རོ་སྒྲོལ་མ་ལགས།
ཨ་ཅག་ཡུ་རོ་སྒྲོལ་མ།
ཁྱེད་ནི་སྐུ་ཉམས་དོད་པ།
དངོས་གནས་ཡུ་རོབ་ཕྱོགས་ལ།
ཧ་ཅང་སྐྱིད་པོ་འདུག་གམ།
ཡིན་ཡང་དེང་སང་ཐོས་ལ།
སྙན་པོ་ཞེ་དྲག་མིན་འདུག
ཟ་ལོང་འཐུང་ལོང་མེད་པ་ལ།
ཉིན་མཚན་ཡུ་རོ་གསོག་དགོས།
ཨ་ཅག་ཡུ་རོ་སྒྲོལ་མ་ལགས།
དེ་འདྲའི་སྐུ་ལས་སྐྱོན་པ་མ་གནང་།
རིགས་རྒྱུད་བཟང་བའི་བུ་མོ།
ཐུགས་རྒྱུད་བཟང་བའི་བུ་མོ།
མི་ངའི་བློ་ལ་ཡོད་པ་ཡུ་རོ་སྒྲོལ་མ་ཁྱེད་རང་ཡིན།