ཚེ་རིང་མཚོ་མོ།

ན་གཞོན་དར་མའི་དུས་ལ།
ཕ་ཡུལ་བཞག་ནས་འོང་ཡིན།
ལོ་མང་མི་ཡུལ་བསྡད་ཀྱང་།
སེམས་པ་ཆགས་ཡག་མིན་འདུག
འཛམ་གླིང་དགའ་ཚལ་ནང་ལ།
ཞིམ་མངར་ལོངས་སུ་སྤྱོད་ཡིན།
ཕ་ཡུལ་ཆུ་མིག་དངས་མ།
དེ་ལས་ཞིམ་པ་མིན་འདུག
ཚེ་རིང་མཚོ་མོ་ལགས།
སྙིང་སྙིང་མེ་ཏོག་ལགས།
མི་རིགས་གཞན་གྱི་མཛེས་མ།
གྲངས་མང་དགའ་རོགས་འགྲིགས་ཡིན།
ཕ་ཡུལ་ཆུང་འགྲིགས་བྱམས་པ།
དེ་ལས་མཛེས་པ་མིན་འདུག
ཤེལ་གྱི་ཕོ་བྲང་ནང་ལ།
མི་ཚེ་ཕྱེད་ཀ་བསྡད་ཡིན།
ད་ཆ་ཕ་མའི་སྦ་གུར།
ཡིད་ལ་འཁོར་འཁོར་བྱས་བྱུང་།
ཚེ་རིང་མཚོ་མོ་ལགས།
སྙིང་སྙིང་མེ་ཏོག་ལགས།