ཚེ་དབང་ལྷ་མོ།
བོད་རིགས་ན་གཞོན་གླུ་མ་ཚེ་དབང་ལྷ་མོ།
རིགས་རུས་གདོང་དམར་བོད་ཀྱི་དུམ་བུ་ལས་ཆད་ཅིང་ལྟེ་ཁྲག་ཁམས་པ་བྲག་འགོ་ནས་འཐོར་བའི་ན་གཞོན་གླུ་མ་ཚེ་དབང་ལྷ་མོ་ནི། གཞན་དང་མི་མཚུངས་གང་དང་མི་མཉམ་པའི་ཕྲ་ལ་གསེང་མཐོ་ཞིང་སྙན་ལ་ཡིད་འགུག་པའི་གླུ་སྐད་དེ་དང་། བལྟས་ན་ཚིམ་པ་མེད་ཅིང་བཅར་ན་ངོ་གནོང་དགོས་པའི་སྐྱེས་གཟུགས་དེ་ཡིས་བསྒྲགས་པ་མིན་རུང་དོན་གྱིས་གྲགས་ཤིང་སྦར་བ་མིན་རུང་ངང་གིས་འབར་ཏེ་དེང་རབས་བོད་ཀྱི་ན་གཞོན་ཁག་ན་རིམ་པར་གྲགས་སྙན་གྱི་མེ་ལྕེ་མཆེད་བཞིན་ཡོད། ཡིན་ནའང་ཁོ་མོའི་ལོ་རྒྱུས་གཙང་མ་ཞིག་ཕ་ཡིག་ཕ་སྐད་ཀྱི་ལམ་ནས་ད་བར་ཅི་ཡང་འགོད་མ་ཐུབ་པས་དོན་གཉེར་བ་ལ་ལས་བལྟ་འདོད་ཀྱི་མིག་རྡོ་རིག་རིག་བྱས་ཤིང་ཤེས་འདོད་ཀྱི་འགྲམ་ཆུ་ལྷོག་ལྷོག་ལྡང་གིན་ཡོད་པ་རེད།