རང་བཙན་སོན་རྩ།

ང་ཚོ་རང་བཙན་སོན་རྩ།
མིའུ་གདུང་དྲུག་བུ་བརྒྱུད།
དུས་ཚོད་འདི་འདྲའི་སྒང་ལ།
སྣང་མེད་བསྡད་པས་མ་བྱུང་།
ཕ་ཡུལ་དགྲ་ལག་བཞག་ནས།
ད་དུང་བསམ་བློ་མེད་ན།
སྐྱེར་སྐྱེར་མི་ཡི་དཀྱོལ་ལ།
ཕྱིན་ཀྱང་དུད་འགྲོ་ལས་སྡུག
བསམ་བློ་དྲུ་གསུམ་བཅོ་བརྒྱད།
བློ་རྩེ་སུམ་ཅུ་སོ་གཉིས།
ཨ་བསྐོར་ཡང་བསྐོར་བྱས་ནས།
རང་དབང་ཐོབ་ཐང་རྩོད་བསམ།
རང་བཙན་སོན་རྩའི་ཁ་ལ།
གསན་ནས་དགོངས་བཞེས་གནང་རོགས།
བོད་མི་རྒན་གཞོན་ཚང་མས།
རང་བཙན་སོན་རྩ་གནང་རིགས།
བློ་སེམས་མཐིན་པའི་གྲོགས་ཚོགས།
མ་གྲོས་བསམ་པ་མཐུན་ནས།
རང་བཙན་སོན་རྩའི་སྐུལ་མ།
ཚིག་གསུམ་སྙན་ལ་ཞུས་ཡོད།
ཐུགས་ལ་ངར་ཤེད་ཡོད་ན།
སྙིང་གཏམ་དགོངས་པར་བཞག་ནས།
ད་ལྟའི་དུས་ཚོད་འདི་ལ།
རང་བཙན་དོན་ལ་བཙོན་རོགས།
རང་ལ་རྒྱལ་ཁབ་མེད་ན།
ག་པར་ཕྱིན་ཀྱང་སྐྱོ་པོ།
རང་བཙན་མེད་པའི་མི་དེ།
འཛམ་གླིང་ཀུན་གྱི་ཐ་རེད།
དེ་ཚེ་དགོངས་པར་བཞག་ནས།
རང་བཙན་ལེན་པར་གནང་དང་།
ང་ཚོ་རང་བཙན་སོན་རྩའི།
བསམ་པ་ད་གས་འགྲུབ་སོང་།