བློ་དཀར་ཡིད་ཀྱི་མེ་ཏོག

ཤང་ཤང་ཆུ་བོ་སྔོན་པོ།
བསིལ་བསིལ་རླུང་གིས་དེད་སོང་།
འདི་འདྲའི་ཆུ་མོའི་རྒྱུགས་ཕྱོགས།
ཡོད་འགྲོ་བསམ་པ་མ་བྱུང་།
ཆུ་ལ་བཤད་པའི་སྙིང་གཏམ།
ཕྲ་ཆུང་ཉ་མོས་ཐོས་སོང་།
བརྩེ་གདུང་ཡིད་ཀྱི་མཆི་མ།
ཉ་མོའི་སྤྱན་ནས་བསིལ་བྱུང་།
ནམ་མཁའི་སྤྲིན་པ་དཀར་པོ།
བསིལ་བུའི་རླུང་གིས་འཁྱེར་སོང་།
འདི་འདྲའི་སྤྲིན་པའི་འཁྱེར་ཕྱོགས།
ཡོད་འགྲོ་བསམ་པ་མ་བྱུང་།
སྤྲིན་ལ་བསྐུར་བའི་སྙིང་གཏམ།
ཁྱེད་ཀྱི་པང་ལ་ཟགས་ནས།
བློ་དཀར་ཡིད་ཀྱི་མེ་ཏོག
ཁྱེད་ཀྱི་པང་ནས་བཞད་བྱུང་།
ང་ཡི་བློ་དཀར་འརྩེ་གདུང་།
བུ་ཆུང་ཁྱེད་ཀྱིས་འཁྱེར་སོང་།
འདི་འདྲའི་སེམས་པའི་འགྲོ་ཕྱོགས།
ཡོད་འགྲོ་བསམ་པ་མ་བྱུང་།
ཆུང་འདྲིས་སྙིང་སྡུག་ཁྱེད་ཀྱིས།
འདི་ལ་ཆོག་ཤེས་གནང་ནས།
དགའ་བའི་སྐྱེད་མོས་ཚལ་ལ།
བུ་མོ་འཁྲིད་རོགས་གནང་དང་།
ཨ་སྙིང་སྡུག་ལ།
ང་གཉིས་བརྩེ་གྲོགས་ངོས་ལ།
བློ་ཆུང་འདོད་པ་རྩེ་གཅིག
མི་ཚེ་འགྱུར་བ་མེད་པ།
ཁྱེད་ཀྱིས་གནང་རོགས་གནང་དང་།