ལྷ་ས་མ་ཆགས།

ལྷ་ས་མ་ཆགས་ལྷ་ས་ཆགས།
ལྷ་ས་མཚོ་མོའི་སྟེང་དུ་ཆགས།
ཆ་མདོ་མ་ཆགས་ཆབ་མདོ་ཆགས།
ཆ་མདོ་གཉིས་བར་ལ་ཆགས།
ཨ་མདོ་མ་ཆགས་ཨ་མདོ་ཆགས།
ཨ་མདོ་ལུང་གསུམ་མདའ་རུ་ཆགས།
དགའ་ལྡན་མ་ཆགས་དགའ་ལྡན་ཆགས།
དགའ་ལྡན་རི་བོའི་རྩེ་རུ་ཆགས།
རྭ་སྒྲེང་མ་ཆགས་རྭ་སྒྲེང་ཆགས།
རྭ་སྒྲེང་ཤུག་པའི་དཀྱིལ་ལ་ཆགས།
ཆུ་མོ་མར་འགྲོ་ཤིག་ཤིག
མར་འགྲོ་ཡར་ལ་ལོག་ཤོག
ས་སྐྱའི་ལྷ་ཁང་ཆེན་མོའི།
ཡོན་ཆབ་འབུལ་ཆེད་དགོས་བྱུང་།
ལྷ་ཁང་ལ་རང་ཆེན་མོའི།
ཡོན་ཆབ་འབུལ་ཆེད་དགོས་བྱུང་།
གསེར་སྐུ་གཅིག་ནི་མ་རེད།
གསེར་སྐུ་གཉིས་ནི་མ་རེད།
གསེར་སྐུ་གསུམ་སྟོང་བརྒྱད་བརྒྱར།
ཡོན་ཆབ་འབུལ་ཆེད་དགོས་བྱུང་།
གསུམ་སྟོང་ལ་རང་བརྒྱད་བརྒྱར།
ཡོན་ཆབ་འབུལ་ཆེད་དགོས་བྱུང་།