དགུང་གི་ཉི་ཟླ།

དགུང་གི་ཉི་ཟླའི་འོད་ཀྱིས།
གླིང་བཞིའི་མུན་པ་བསལ་སོང་།
༧རྒྱལ་དབང་བསྟན་འཛིན་རྒྱ་མཚོས།
ཉམ་ཐག་འགྲོ་བ་བསྐྱབས་སོང་།
གཡུ་འབྲུག་སྔོན་མོ་ཁྱེད་ཀྱི་མགྲིན་དབྱངས།
ཁུ་བྱུག་རྣ་བ་དེ་འདྲ་སྙན་སོང་།
མགོན་པོ་ཁྱེད་ཀྱི་གསུང་སྙན་འདི་ཡིས།
སྐལ་བཟང་ལྡན་པའི་དབང་སྟོབས་རྒྱས་སོང་།
བརྩེ་ལྡན་ཕ་མ་གཉིས་ཀྱིས།
བཅུད་ལྡན་འོ་མས་བསྐྱངས་སོང་།
བརྩེ་ལྡན་མགོན་པོ་མཆོག་གིས།
བྱམས་བརྩེའི་བདུད་བརྩིས་བསྐྱབས་སོང་།
དེའི་ཕྱིར་མགོན་པོའི་ཐུགས་རྗེ་ཁྱེད་ཀྱི།
རྣམ་འཐར་ང་རེའི་ཡིད་ལ་དྲན་ན།
བུ་ངའི་ལུས་ཀྱི་བ་སྤུ་གཡོ་ཞིང་།
མིག་ཆུ་རང་དབང་མེད་པར་ཤོར་སོང་།