ཁ་བའི་ཞིང་ཁམས།

མི་རྣམས་གཤིས་རྒྱུད་བཟང་ཞིང་།
བྱམས་དང་སྙིང་ཛེ་ཆེ་བ།
ཞི་བེད་བག་ཕེབས་ལྡན་པའི།
བསོད་ནམས་ཅན་གྱི་ཞིང་ཁམས།
ང་རང་བསོད་ནམས་ཆེ་བའི།
ཁ་བའི་ཞིང་དུ་སྐྱེས་སོང་།
ང་ཡི་ལུས་ངག་ཡིད་གསུམ།
ཁ་བའི་ལྗོངས་འདིར་ཕུལ་ལོ།
མཐའ་བཞི་གངས་རིས་སྐོར་བའི།
རིན་ཆེན་གཏེར་གྱི་བང་མཛོད།
དྦངས་གཙང་ཆུ་བོ་རྒྱུགས་ས།
ང་ཡི་ཕ་ཡུལ་བོད་ལྗོངས།
ཡིད་ལ་འཁོར་བའི་ཕ་ཡུལ།
ཐག་རིང་རྒྱང་དུ་ལུས་སོ།
ལུས་པོ་མི་ཡུལ་གནས་ཀྱང་།
སེམས་པ་ཁྱེད་ལ་ཆགས་ཡོད།
འཛམ་གླིང་ཡང་རྩེའི་བསྟེ་གནས།
གངས་ཅན་ཆོས་ལྡན་ཞིང་ཁམས།
ང་ཡི་ལུས་ངག་ཡིད་གསུམ།
གངས་རིའི་ལྗོངས་འདིར་ཕུལ་ལོ།
ང་རང་བསོད་ནམས་ཆེ་བའི།
ཁ་བའི་ཞིང་དུ་སྐྱེས་སོང་།
ང་ཡི་ལུས་ངག་ཡིད་གསུམ།
ཁ་བའི་ལྗོངས་འདིར་ཕུལ་ལོ།