གང་དགའ་གང་སྐྱིད།

ཚིག་གདངས། རྒྱལ་རྩེའི་གཞས་ཆན།
གཞས་མ། སྐལ་བཟང་གཡུ་སྒྲོན།

མཚོ་སྨད་དུ་(ལ་འེ་) བཞུགས་པའི་ཉ་ཆུང་ཚོ།      
ན་ལ་བཞུགས་དུས་(ལ་འེ་) འཁྱུག་བགྲོད་མ་ངོམས་ན།
ན་སོ་བཞུགས་དུས་(ལ་འེ་) འཁྱུག་བགྲོད་མ་ངོམས་ན།

རྒྱབ་དེ་རུ་(ལ་འེ་) རྡོ་དང་ལྕགས་ཀྱུ་འདུག།
རྡོ་དང་ལྕགས་ཀྱུ་(ལ་འེ་) རྫ་མོའི་རོང་ལ་གཡུགས།
ཉ་ཆུང་གསེར་མིག་(ལ་འེ་) གང་དགའ་གང་སྐྱིད་ཡིན། (ལ་འེ་)

མཚོ་སྟོད་དུ་(ལ་འེ་) བཞུགས་པའི་གསེར་བྱ་ངང་པ་ཚོ།
ན་ལ་བཞུགས་དུས་(ལ་འེ་) ཆོས་གོས་མ་ངོམས་ན།
ན་སོ་བཞུགས་དུས་(ལ་འེ་) ཆོས་གོས་མ་ངོམས་ན།

རྒྱབ་དེ་རུ་(ལ་འེ་) མཚོ་ལ་དར་ཁ་འདུག།
མཚོ་མོའི་དར་ཁ་(ལ་འེ་) རྫ་མོའི་རོང་ལ་གཡུགས།
གསེར་བྱ་ངང་པ་(ལ་འེ་) གང་དགའ་གང་སྐྱིད་ཡིན། (ལ་འེ་)

སྤང་སྟོད་དུ་(ལ་འེ་) བཞུགས་པའི་ཤྭ་བ་ཚོ།
ན་ལ་བཞུགས་དུས་(ལ་འེ་) རྭ་རྩེད་མ་ངོམས་ན།
ན་སོ་བཞུགས་དུས་(ལ་འེ་) རྭ་རྩེད་་མ་ངོམས་ན།

རྒྱབ་དེ་རུ་(ལ་འེ་) ཤ་ཁྲི་ནག་པོ་འདུག།
ཤ་ཁྲི་ནག་པོ་(ལ་འེ་) རྫ་མོའི་རོང་ལ་གཡུགས།
ཤྭ་བ་སྨུག་ཆུང་(ལ་འེ་) གང་དགའ་གང་སྐྱིད་ཡིན། (ལ་འེ་)

ལྕང་གླིང་སུ་(ལ་འེ་) བཞུགས་པའི་བྱིའུ་ཆུང་ཚོ།
ན་ལ་བཞུགས་དུས་(ལ་འེ་) གསུང་སྐད་་མ་ངོམས་ན།
ན་སོ་བཞུགས་དུས་(ལ་འེ་) གསུང་སྐད་མ་ངོམས་ན།

རྒྱབ་དེ་རུ་(ལ་འེ་) ཨ་ཅེ་བྱ་ཁྲ་འདུག།
ཨ་ཅེ་བྱ་ཁྲ་(ལ་འེ་) རྫ་མོའི་རོང་ལ་གཡུགས།
བྱིའུ་ཆུ་འཇོལ་མོ་(ལ་འེ་) གང་དགའ་གང་སྐྱིད་ཡིན། (ལ་འེ་)