དྲུག་ཅུའི་དབྱངས་ལྡན།

༄༅།།  སྐུ་ཡི་བཀོད་པས་རི་དབང་སྐྱེས་ཞིང་།
དྲུག་ཅའི་དབྱངས་ལྡན་ཟབ་ཡངས་ཐུགས་མཚོ་རབ་རྒྱས།
ཨེ་མ་ཧོ་ལ་དགའ་བ་ལགས་སོ་སྐྱིད་དོ།
མགོན་ཁྱོད་དགུང་གྲངས་དོན་གསུམ་བཞེངས་པའི།
དུས་བཟང་ལ་ཨུ་དུམ་ལྦ་རའི་མེ་ཏོག་རབ་བཞད།
ཨེ་མ་ཧོ་ལ་དགའ་བ་ལགས་སོ་སྐྱིད་དོ།
འགྲོ་ལ་བརྩེ་བའི་ཐུགས་རྗེའི་སྤྱན་མངའ།
རྒྱལ་ཀུན་སྙིང་རྗེའི་ཕུང་པོ་གཅིག་ཏུ་འདུས་པའི།
ཨེ་མ་ཧོ་ལ་དགའ་བ་ལགས་སོ་སྐྱིད་དོ།
སྲིད་གསུམ་དབང་སྒྱུར་བསྟན་འཛིན་རྒྱ་མཚོ།
མི་ཡི་ཉིན་བྱེད་གདུལ་བྱའི་མཁའ་ན་འཕགས་ཤིང་།
ཨེ་མ་ཧོ་ལ་དགའ་བ་ལགས་སོ་སྐྱིད་དོ།
མི་མཐུན་མཚན་མའི་སྒྲིབ་གཡོགས་ཀུན་བྲལ།
མཛད་བཟང་འོད་སྟོང་ཕྱོགས་བརྒྱར་རྣམ་པར་འཕྲོ་ཞིང་།
ཨེ་མ་ཧོ་ལ་དགའ་བ་ལགས་སོ་སྐྱིད་དོ།
སླར་ཡང་མི་ནུབ་བསྐལ་བརྒྱའི་བར་དུ།
ཁམས་གསུམ་སྐྱེ་རྒུའི་དཔལ་དུ་མཛེས་པར་གྱུར་ཅིག
ཨེ་མ་ཧོ་ལ་དགའ་ལ་ལགས་སོ་སྐྱིད་དོ།